नेपाली सिने नगरीमा नयाँ कलाकारहरुको आगमन भइरहेको छ । यही भिडमा चलचित्र अन्तराल मार्फत नव नायिका आशिष्मा नकर्मी पनि उदाउँदै छिन् । ‘अन्तराल’ पश्चात ‘सिक्स फिट लाइफ’ र ‘तोरी लाहुरे’मा अभिनय गरिसकेकी अशिष्मा म्युजिक भिडियोमा पनि जमिरहेकी छिन् । उनै नव नायिका नकर्मीसँग अनलाइनखबरका लागि विजय आवाजले गरेको कुराकानीः
तपाइको नामको अर्थ ?
मेरो नामको अर्थ रोचक छ । मेरो मम्मी नायिका करिश्मा मानन्धरको खुबै फ्यान हुनुहुन्थ्यो । उहाँको नाम आशा हो । यसैले मेरो नाम करिश्मा दिदी र मम्मीको नाम जोडेर आशिष्मा राखिएको हो ।
सिनेमा नगरी रुचि मात्र कि भबिष्य पनि हो ?
मेरो लागि दुबै हो । जे कुरामा रुचि हुदैन त्यहाँ भविष्य पनि हुँदैन भन्ने लाग्छ ।
कस्तो लाग्दैछ तपाइंलाई सिनेमा नगरी ?
एकदमै रमाइलो लाग्छ मलाई त । यहाँ ८४ व्यञ्जन नै छ । पिरो, अमिलो, तितो, मिठो, गुलियो सबै खालको छ । तर मलाई मेरो लक्ष्य र भिजन थाहा छ ।
के हो तपाइको भिजन र लक्ष्य ?
सुरुवातमा मैले बुबाको अगाडी रोएर भिडियो खेलेको थिएँ । यसपश्चात म नेवारी सिनेमामा खुबै जमे । मलाई लागेको थिएन कि म त्यती चाँडै नेवारी सिनेमामा जम्छु । तर अब नेपाली सिनेमामा जम्ने कोसीसमा छु र मलाई थाहा छ म पक्कै सफल हुनेछु ।
तपाइको रोजाइमा म्युजिक भिडियो कि फिल्म ?
कलाकार भएपछि भूमिकाको बिषयमा बार्गेनिङ गर्नु हुन्छ भन्ने मलाई लाग्दैन । मलाई दुबै मनपर्छ ।
पछिल्लो समयमा सिनेमा नगरीमा बढेको अश्लिततालाई कसरी हेर्नुहुन्छ ?
हुनत यहाँ कथाले मागे अनुसार भन्दै सबै देखाउँछन् । तर मलाई यस्तो कुरा खासै मनपर्दैन । हुनत, ब्लू फिल्म नराम्रो धार्मिक फिल्म मात्र राम्रो भन्ने हुँदैन । दुबै फिल्मका दर्शक फरक- फरक हुन्छन् ।
तपाई भने यस्तो बिषयमा कत्तिको खुल्नुहुन्छ त ?
म सिनेमा नगरीमा जम्ने कोशिशमा छु । यसैले सुरुवातमै दर्शकको नजरमा यस्तो खालको छाप छोड्न चाहन्न । तर सिनेमाको बिषय र त्यसलाई प्रस्तुत गर्ने शैलीमा फरक पर्छ । म ‘द डर्टि पिक्चर्स’ जस्तो सिनेमा गर्न चाहन्छु ।
तपाइले अभिनय गरेको चलचित्र अन्तराल जेठ ३ गतेबाट प्रदर्शनमा आउँदैछ, सिनेमाले के कुरा प्रस्तुत गर्दैछ ?
चलचित्र युवाहरुको कथा र सपना हो । चलचित्रमा म एक साधारण युवतीको भुमिकामा छु । धनी बाउको छोरी भएर पनि अरुको निर्भरता नचाहने युवतीको भुमिका मैले निर्वाहा गरेको छु ।
तपाइलाई नेपाली सिनेमाको कुन नायकले खुबै आकर्षण गर्छन् ?
जीवन लुइटेल र आर्यन सिग्देलको लुक्स साह्रै मनपर्छ । तर काम गराइको हिसाबले गजित बिष्ट र सुभाष थापा राम्रो लाग्यो ।
तपाई आफुलाई आफु कस्तो लाग्छ ?
म एकदमै साधारण छु । सकारात्मक कुरा मात्र सोच्छु ।
तपाई कस्तो खालको सिनेमा खेल्न चाहनुहुन्छ ?
म सिनेमा नगरीप्रति युवापुस्तालाई आकर्षण गर्ने खालका सिनेमा खेल्न रुचाउँछु । मैले खेलेको सिनेमाले युवालाई डाक्टर, इन्जिनियर मात्र होइन छायांकार, संगीतकार, नायक, नायिका, निर्देशक पनि बन्न प्रेरणा मिलोस् ।
तपाइलाई कुन पुरुष साह्रै कामुक लाग्छ र उसले तपाइलाई सेक्स आकर्षण गर्छ ?
मलाई हलिउड नायक रक खुबै कामुक लाग्छ । यसको शरीर साह्रै सेक्सी छ ।
कुन पुरुषसँग चुम्बन गर्न मन लागेको छ ?
हलिउड नायक लिओनार्दोलाई पर्दामा देख्दा नै चुम्बन गरुँ-गरुँ लाग्छ । उसको लुक्सले भुतुक्कै बनाउँछ ।
आफ्नो शरीरमा कुन अंग सेक्सी लाग्छ ?
सबैले आँखा सेक्सी छ भन्छन् ।
कस्तो पहिरन लगाउन मन लाग्छ ?
वन पिस पहिरनमा म सेक्सी र कामुक देखिन्छु ।
कुन खानेकुरा मिठो पकाउनुहुन्छ ?
चिकेन साह्रै मिठो पकाउँछु ।
प्रेममा कतिपटक पर्नुभयो त ?
जीवनमा २ पटक प्रेम गरेँ । पहिलो पटक ११ मा पढ्दा एक युवकसँग प्रेम परेको थियो । हाम्रो प्रेम ६ बर्ष चल्यो । अहिले एक युवकलाई खुबै मनपराउँछु । तर उसलाई भन्न सकेको छैन । आफ्नो करिअर अगाडी बढेकाले पनि मनको कुरा मनमै राखेकी छु ।
सिनेमा कत्तिको हेर्नुहुन्छ ?
म नेपाली, बलिउड, हलिउड, स्प्यानिस, कोरियन, जापानीज सबै खालका सिनेमा हेर्छु । कोरियन मुभि हेरेर त मैले यो भाषा बोल्न पनि थालेको छु ।
पहिलो पटक ब्लू फिल्म चै कहिले हेर्नुभयो त ?
हा.हा.हा. हेरेको छु केही पटक । विशेषगरी नेपाली सिनेमाका नायिकाहरुको भिडियो बाहिर आउँदा हेर्ने उत्सुकता जागेर हेरेकी थिएँ ।
कहिलेसम्म सिनेमा खेल्ने योजना छ त ?
मलाई दर्शकले जहिलेसम्म रुचाउनुहुन्छ, म त्यतिबेला सम्म नै सिनेमा खेल्छु ।
कहिलेकाही सिनेमा नगरीमा आउने नराम्रा खबरले यो क्षेत्रमा किन आए जस्तो लाग्दैन ?
मुख्यताय हरेक कुरामा आफु राम्रो हुनुपर्छ । यस्ता खालका खबरले हामीलाई अझ बोल्ड बनाउँछ ।
